Skip to content
Пејачката Дуа Липа и актерот Калум Тарнер на Сицилија организираа забава за пријатели, неколку дена откако се венчаа во Лондон.
Во Лондон, свадбата беше ненадејна, брза и скромна, за нив двајца и за тесен круг пријатели.
Но, затоа британската пејачка и актерка, Дуа Липа и Калум Тарнер, организираа вистинска свадбена забава во Палермо, Сицилија, една година откако ја објавија својата свршувачка.
Фотографиите од забавата на живописната Сицилија ја покажуваат Дуа Липа облечена во фустан од Ботега Венета, направен специјално за неа.
Фустанот беше во стил на сирена направен од бели пердуви од ној и имаше спуштена грбна страна, објави списанието Вог.
Таа имаше и чанта од пердуви и носеше златен накит Булгари, а косата ѝ беше пуштена.
Липа е обожавателка на креациите на Ботега Венета со години, од чанти и чизми до комплети и проѕирни фустани.
Пејачката, по потекло од Косово, изгледаше среќно на првиот ден од забавата, танцувајќи и позирајќи за фоторепортери.
Липа и Тарнер дојдоа на еден од плоштадите танцувајќи, поздравувајќи ги гостите и бакнувајќи се пред камерите.
Тарнер носеше беж ленено одело од Jacquemus и бела кошула, како и црни очила за сонце од Jacques Marie Mage.
Меѓу многуте гости се диџејот Марк Ронсон и неговата сопруга, американската актерка Грејс Гамер, Чарли XCX, уште една британска поп-ѕвезда која се венчаше на Сицилија минатиот септември.
Покрај Елтон Џон, гости се Донатела Версаче и наводно Кајли Миног, Хари Стајлс, а се очекува и Роби Вилијамс.
Италијанските медиуми ја подгреваа атмосферата со недели, прогласувајќи ја прославата за свадба на годината.
Сепак, расположението во Палермо е донекаде поделено.
Додека некои жители се горди што Дуа Липа и Калум Тарнер го избраа својот град за да ја прослават својата свадба, други се лути поради затворањето на патиштата, безбедносните кордони и разните нарушувања во секојдневниот живот, објави лондонскиот Гардијан.
Дуа Липа има 30 години и е една од најголемите поп-ѕвезди во светот, а во 2024 година беше главна ѕвезда на група изведувачи на фестивалот во Гластонбери.
Тарнер, 36-годишен актер, се прослави со својата улога во „Фантастични ѕверови“ и се верува дека е во трка за улогата на следниот Џејмс Бонд.
Тие се венчаа во општина каде што претходно се венчаа многу познати личности.
Еден од нив е Пол Мекартни, кој првпат се ожени таму со Линда Истман во 1969 година, а потоа се ожени со Ненси Шевел во 2011 година.
Ринго Стар, тапанарот на Битлси, се ожени таму со својата сопруга Барбара во 1981 година, додека Мелани Грифит и Антонио Бандерас разменија венчални прстени на истото место во 1996 година.
Лиам Галагер, главниот пејач на „Оејзис“, се ожени таму двапати – во 1997 година со Петси Кенсит и во 2008 година со Никол Аплтон.
