Skip to content
Петтото издание на Ohrid Wine Festival почнува вечерва, 25 јуни, на Кеј Македонија во Охрид, со македонски вина, гастрономска понуда и музичка програма покрај езерото.
Фестивалската зона се отвора во 19 часот, а музичките настапи почнуваат еден час подоцна. Првата вечер пред публиката ќе настапат Група Сарај, Дани Димитровска и Меморија.
Фестивалот ќе трае до 27 јуни, а посетителите ќе можат да дегустираат вина од македонски винарии и да уживаат во тридневна програма на отворено.
Во петок ќе настапат Брос и Марама, Ѓоко Ѓорчев и Кате Танева, Куку Леле и Пауза за ракија. Завршната вечер е резервирана за Солзи и Смеа, DJ Fic, Битолскиот камерен оркестар и Суперхикс.
Ohrid Wine Festival и годинава го отвора летниот фестивалски ритам во градот, спојувајќи ја домашната винска понуда со музика и вечерно дружење на охридскиот кеј.
