Skip to content
Пожарникари, војници, волонтери и граѓани цела ноќ ги пребарувале урнатите згради во Каракас, Ла Гуаира и другите најтешко погодени области. На дел од локациите спасувачите работеле со голи раце и батериски светилки поради недостиг од механизација и прекини во снабдувањето со електрична енергија.
Двата земјотреси со магнитуда од 7,2 и 7,5 степени ја погодија земјата во средата вечерта, во временски интервал од само 39 секунди. Американскиот геолошки институт ги класифицира двата потреси со црвено ниво на тревога и регистрира насилно тресење на почвата.
Moments after the first earthquake in Caracas you can see the total destruction of the surrounding area.
— B. Wilkins lll 🇺🇸 (@ScummyMummy511) June 25, 2026
Minutes later a massive 7.5 hit the same area finishing the job and leaving thousands trapped and unfortunately deceased.
California Democrats would love for this to happen… https://t.co/kSC0ZfzxDE pic.twitter.com/l5QebHImRZ
Венецуелските власти потврдија дека најмалку 250 згради се оштетени или целосно уништени. Меѓу погодените објекти има осум болници, седиштето на Црвениот крст и Француската амбасада.
Илјадници луѓе останаа без покрив над главата и ноќите ги поминуваат на улици, плоштади и отворени простори, стравувајќи од нови потреси и уривање на оштетените згради.
Особено тешка е состојбата во крајбрежната сојузна држава Ла Гуаира, каде се урнати станбени згради, а голем број луѓе се заробени под бетонските плочи. Сериозни оштетувања има и во Морон, во близина на епицентарот, каде дел од населението останало без вода и електрична енергија.
Независен интернет-регистар за исчезнати лица, споделен од венецуелски опозициски лидери, содржи околу 49.500 имиња. Бројката не е официјално потврдена и може да вклучува лица со кои семејствата не можат да воспостават контакт поради падот на комуникациските мрежи.
Меѓународните спасувачки екипи почнаа да пристигнуваат во Венецуела. Мексико испрати војници и кучиња трагачи, додека повеќе држави понудија медицинска, логистичка и хуманитарна помош.
Соединетите Американски Држави привремено ублажија дел од санкциите за да овозможат непречено доставување помош. Обединетите нации ја координираат меѓународната операција и предупредуваат дека ќе биде потребен огромен заеднички напор за справување со последиците.
Спасувачките операции продолжуваат, а властите предупредуваат дека бројот на загинати и повредени најверојатно ќе расте додека екипите стигнуваат до најтешко погодените подрачја.
