Skip to content
Карлос Алкараз се пласираше во полуфиналето на турнирот во Токио, откако Денис Шаповалов го предаде четвртфиналниот меч при резултат 7:6 (7:3), 2:1 во корист на Шпанецот.
Мечот траеше еден час и 22 минути. Алкараз го доби првиот сет по тај-брејк, а во вториот веќе имаше предност кога Канаѓанецот се повлече.
Шпанецот во текот на мечот не запиша ас, направи една двојна сервис-грешка и искористи три од седум брејк-топки. Шаповалов имаше еден ас и три двојни грешки, а реализираше три од четири можности за брејк.
Во полуфиналето Алкараз ќе игра против својот сонародник Хауме Мунар.
Наградниот фонд на турнирот во Токио изнесува 2,3 милиони долари.
