Skip to content
Инфлацијата не доведе до класичен ценовен шок, но таа резултираше со покачување на каматните стапки, рече гувернерката на Народната банка, Анита Ангеловска Бежовска, на вториот ден од владината конференција „Година на нови можности“. Таа посочи дека минатиов период на светско ниво се случил најсинхронизиран циклус на затегнување на монетарните политики.
„Ние одговоривме преку стабилен девизен курс на домашната валута“, рече Бежовска.
Таа додаде дека клучни аспекти биле курсот, односно девизниот пазар и инфлациските притисоци.
„Уште кон крајот на 2021 година забележавме притисоци и оттогаш реагиравме со монетарната политика одржувајќи ја ликвидноста“, истакна гувернерката.
Таа подвлече дека како резултат на преземените мерки, особено во сегментот на енергијата и храната, инфлацијата за првпат се намалила во ноември минатата година и очекува овој тренд да продолжи. Бежовска очекува инфлацијата да се симне на едноцифрен број.
