Skip to content
Излезеноста на парламентарните избори во Србија достигна 51,4 проценти до 15 часот, според процената на ЦеСИД и Ипсос. Големиот одѕив е проследен со пријави за изборни неправилности, физички напади и прекини на гласањето на одделни избирачки места.
На претходните парламентарни избори во 2023 година, до истиот час гласале 32,2 проценти од избирачите. ЦеСИД соопшти дека до 14 часот примил повеќе од 200 пријави за можни неправилности, меѓу кои фотографирање гласачки ливчиња, семејно и групно гласање и попречување на набљудувачите.
Во селото Павловац кај Врање физички биле нападнати новинарите Михајло Стојковиќ и Јелена Стојковиќ, објави „Јужни вести“. Тие отишле да проверат сомнежи за купување гласови. По нападот биле пренесени во болница, а за степенот на повредите треба да се изјаснат лекарите.
За насилство во селото Пуковац, во општина Дољевац, за Н1 сведочеше адвокатката Драгана Милутиновиќ. Според неа, членка на избирачки одбор добила шлаканица, а на друго избирачко место влегле триесетина маскирани мажи и им се заканувале на членовите на одборот, поради што гласањето било прекинато.
Избирачките места во Србија се отворени до 20 часот. На изборите се избираат 250 пратеници.
