Во Србија објавени конечните резултати од вонредните парламентарни избори

Републичката изборна комисија (РЕК) на Србија, ги објави конечните резултати од вонредните парламентарни избори одржани на 25 октомври.

„Студентска листа – Студентите победуваат“ влезе во Народното собрание со 2.354.417 гласови (140 мандати), листата „Единствена Србија – Александар Вучиќ“ со 1.731.323 гласови освои 103 мандати, „Расим Љајиќ – Људски“ 20.638 (1 мандат), „Сојуз на војводинските Унгарци – д-р Балинт Пастор“ 35.461 (2 мандати), „Усаме Зукурлиќ – Движење за обединување“ 12.440 (1 мандат), „СДА – Чувари на Санџак“ 12.596 (1 мандат), Албанска коалиција 27.673 (2 мандати).

Во Собранието не влегоа: „Ивица Дачиќ – Фактор на стабилност“ со 94.766 гласови, „Руска партија – Срби во БРИКС – Слободан Николиќ“ 6.503 гласови, Автентична десница – д-р Милош Јовановиќ“ 39.503 гласови, „Европска Србија – Мариника Тепиќ – Здравко Понош“ 12.570 гласови, „Богољуб Кариќ – Српско движење на моќ“ 20.045 гласови, „Либерално зелена партија – За слободна и почиста Србија“ 2.686 гласови, „Јас ја избирам правдата, јас ја избирам иднината – коалиција Сила“ 1.187 гласови, Партија на руско српско единство 4.286 гласови, „Извинете, ова е за вас – Петар Ѓуриќ, премиер на Србија“ 2.022 гласови, „Владимир Гајиќ – Алтернатива за Србија“ 3.705 гласови и „Мајка Србија – Груда“ 3.234 гласови.

Според Според податоците на РИК на Србија, гласањето се одвивало на 8.392 избирачки места, а во избирачкиот список биле запишани 6.451.292 гласачи.

На изборите излегле 4.444.310 гласачи, гласале 4.441.636, а важечките гласачки ливчиња биле 4.385.065.

РИК го утврдил вкупниот извештај за резултатите од изборите врз основа на сумарните извештаи од сите локални изборни комисии, по повторното гласање на 53 избирачки места, каде што претходните резултати од гласањето биле поништени.

Во рок од 10 дена од датумот на објавување на вкупниот извештај за резултатите од изборите, комисијата им доделува мандати на кандидатите за пратеници според нивниот редослед на избирачкиот список.

Само изборните листи кои добиле најмалку три проценти од гласовите од бројот на гласачи кои гласале можат да учествуваат во распределбата на пратеничките мандати, а природниот праг важи за малцинските листи.

Врз основа на извештајот на РИК, мандатите на пратениците се потврдуваат на првата седница на Народното собрание. Собранието на Србија од денеска треба да се конституира во рок од 30 дена.

Првата седница ја свикува претседателот на Народното собрание од претходната седница.

Првата седница, до изборот на претседател на Парламентот, ја води најстариот пратеник (претседател), а во работата му помагаат еден, најмладиот, пратеник од четирите изборни листи што добиле најголем број пратенички мандати и генералниот секретар на Народното собрание.