,,Кучињата немаат соништа” на Ханис Багашов со награда за најдобар странски филм во Измир

Краткометражниот игран филм ,,Кучињата немаат соништа” на Ханис Багашов ја доби наградата за најдобар краток филм во меѓународната конкуренција на 27-мото издание на фестивалот за краток филм во Измир, Турција.

Филмот имаше четири проекции, а на фестивалот беше присутен кинематограферот на филмот, Фејми Даут.

,,Кучињата немаат соништа” ја имаше светската премиeра на овогодинешниот Сараевски филмски фестивал, домашната на ,,Браќа Манаки”, а беше во натпреварувачките програми и на 48 – мото издание на Синемед во Франција и 24 – тото издание на Тирана Филм Фестивал.

Филмот е подржан од Агенцијата за филм на РСМ, во продукција на Hithra Films и ко- продукција на Етерна Филмс од Бугарија и Казабланка од Словенија. Дистрибутер е Lights On.

Главните улоги ги толкуваат Ера Балај и Дениз Рустеми, а играат и Илире Винца, Рефет Абази, Ментор Курти и Греса Фаризи.

Режисер, сценарист и продуцент е Ханис Багашов, директор на фотографија е Фејми Даут, монтажата е на Касијана Ангелова, музиката на Арта Абази, костимите и сценографијата на Елена Билбилоска, дизајн на звукот на Дарко Спасовски.