Пожар од отпушок од цигара во ГОБ „8 Септември“, пациентите веднаш евакуирани

Отпушок од цигара предизвика пожар на одделението за ортопедија во Градската општа болница „8 Септември“ во Скопје. Болничкиот персонал веднаш ги евакуирал пациентите, а пожарот е изгаснат без повредени лица.

Пожарот избувнал во внатрешна просторија на одделението за ортопедија, по што лекарите и болничарите веднаш започнале со евакуација на пациентите. Според сведоштва на очевидци, на седмиот кат на болничката зграда гореле и инвалидски колички на балконот.

На терен интервенирала скопската противпожарна бригада, чии екипи го локализирале и изгаснале огнот. Командирот на Бригадата за противпожарна заштита на Град Скопје, Звонко Томески, потврди дека интервенцијата е завршена и дека биле зафатени инвалидски колички.

Директорот на ГОБ „8 Септември“, д-р Синиша Стојаноски, изјави за „Скопје1“ дека ситуацијата е ставена под контрола и дека нема опасност за хоспитализираните лица и вработените.

„Ништо сериозно, направена е евакуација веднаш. Од неодговорен човечки фактор, отпушок од цигара, е предизвикана оваа ситуација. Утврдуваме фактичка состојба во моментов, но нема никаков ризик ниту за пациентите ниту за персоналот“, рече Стојаноски.

Надлежните служби во болницата ја утврдуваат фактичката состојба и околностите под кои настанал инцидентот.

Рацин.мк ве прашува:

Кој најмногу придонесува говорот на омраза да стане нормална појава во Македонија?

Најчитано

Рацин.мк ве прашува:

Кој најмногу придонесува говорот на омраза да стане нормална појава во Македонија?