Skip to content
Германското обвинителство отвори истрага против членовите на палестинската група Хамас осомничени за намерни и случајни убиства и киднапирања.
Германскиот закон го обврзува јавниот обвинител да спроведе истрага за лица осомничени за сторени кривични дела во странство доколку во кривичните дела се вклучени државјани на Сојузната Република.
Германското Министерство за надворешни работи вчера соопшти дека меѓу киднапираните од Хамас има и германски државјани.
Канцеларот Олаф Шолц денеска изјави дека Берлин и Израел напорно работат на ослободување на киднапираните Германци.
– Се обидуваме да направиме сè што е можно за да обезбедиме ослободување на овие граѓани, како и зачувување на нивните животи и здравје, наведе Шолц.
