Обвинителството во Истанбул побара на израелскиот премиер Нетанјаху да му се суди пред Меѓународниот кривичен суд (МКС) за геноцид

Обвинителството во Истанбул испрати до Министерството за правда кривична пријава против израелскиот премиер Бенјамин Нетанјаху, барајќи да му се суди пред Меѓународниот кривичен суд (МКС) за геноцид.

Член на владејачката Партија на правдата и развојот (АКП) на турскиот претседател Реџеп Таип Ердоган и двајца адвокати поднесоа кривична пријава до Канцеларијата на главниот обвинител во Истанбул, јави Си-Ен-Ен Турк.

Тие бараат на Нетанјаху да му се суди за воени злосторства, злосторства против човештвото и геноцид.