„Политико“: ЕУ ја разгледува можноста за назначување еврокомесар за одбрана

 ЕУ ја разгледува можноста за назначување еврокомесар за одбрана кој ќе ги контролира индустриските аспекти на одбранбената политика на Унијата, објави „Политико“, цитирајќи тројца свои извори запознаени со ова прашање.

Американското издание забележува дека земјите-членки на ЕУ обично сакаат да имаат целосна контрола врз нивната одбранбена политика, но со оглед на војната што беснее во Украина и веројатноста Доналд Трамп да се врати како кандидат на претседателските избори во САД, блокот размислува за нова должност.

Според портпаролот на Европската комисија, претседателот на Европската комисија, Урсула фон дер Лајен е „многу наклонета“ кон таа идеја.

„Политико“ забележува дека кандидати за новата функција може да бидат полскиот министер за надворешни работи Радослав Сикорски и естонската премиерка Каја Калас.