Skip to content
Брижит Макрон ја тужи за клевета новинарката Наташа Реј, која тврдеше дека првата дама на Франција е родена како маж. Рочиштето е поместено од март 2025 година на 19 јуни 2024 година на барање на адвокатот на сопругата на Емануел Макрон, а по тврдењето на Реј дека Брижит е родена под името Жан-Мишел Троње.
– Новинарката Наташа Реј ги изнесе наводите за Брижит Макрон во интервју на Јутјуб во 2021 година и гласините се проширија оттогаш, рече адвокатот на француската прва дама и побара сослушувањето да се забрза бидејќи се појави загриженост откако таквите гласини се проширија надвор од Франција во Америка.
– Во последните недели, особено на меѓународен план, преку инфлуенсерката Кендис Овенс, која го пренесе сето ова, штетата по мојата клиентка од ден на ден се зголемува, рече тој.
Во интервју за Le Nouvel Obs, Наташа Реј изјави дека нема да може да присуствува на сослушувањето во јуни, бидејќи боледува од рак. Нејзиниот адвокат потврди дека на денот на судењето ќе достави ново лекарско уверение.
Таа, заедно со медиумот Амандин Рој, минатиот месец беше казнета со „симболична казна“ поради тврдењата за Брижит Макрон. Судот во Нормандија им нареди да платат по 1.700 фунти и беа прогласени за виновни за клевета. Казните беа намалени по жалбата.
Рој мораше да плати 850 фунти, а Реј 400 фунти. После тоа двете рекоа дека владата ги заплашила и дека ултра заштитениот естаблишмент во Париз крие државна тајна.
Во интервју од 2021 година дадоа контроверзни изјави, а името Жан Мишел Троње е всушност името на братот на Брижит Макрон, пишува Дејли Мејл. Првата дама на Франција пред бракот со Макрон се презиваше Троње.
Тоа видео траеше четири часа, а имаше 470.000 прегледи пред да биде избришано од Јутјуб. Во 2021 година, Фигаро објави дека првата дама на Франција планира да ги тужи оние кои започнале теории на заговор за неа. с
