Skip to content
Две лица се уапсени во Косово под сомнение дека шпионирале за Српската разузнавачка агенција (БИА), објави порталот Воксњуз.ал (VOX News Albania).
Како што пишува порталот, станува збор за Бедри Шабани и Мухарем Ќерими на кои Обвинителството веќе им одреди 48 часовен притвор.
Воксњуз наведува дека Специјалното обвинителство на Косово ја потврдило операцијата развиена во соработка со Косовската разузнавачка агенција и косовската полиција, која резултираше со апсење на двајца осомничени шпиони.
Според медиумите во Косово, еден од нив, поточно Бедри Шабани од Феризај, претходно работел на косовската царина.
Шабани е татко на новинарот Зекирја Шабани, кој е сопственик на порталот „Факте плус“, додека до минатата година беше уредник и во телевизијата АТВ.
Зекирја Шабани беше многу активен во изборната кампања на Северна Македонија, за поддршка на ВЛЕН.
Тој ја подготвил изборната кампања за Африм Гаши, кој е избран за претседател на Собранието на Северна Македонија, пишува Перископ.
За апсењето на Бедри Шабани, реагираше и косовската царина, преку објава на Фејсбук е објавено дека тој ја напуштил функцијата во Царината во 2004 година.
