Стигна и видео како доказ дека севернокорејски војници се распоредуваат во Русија

Видеото го објави Украинскиот центар за стратешки комуникации, кој работи во рамките на украинското Министерство за култура и информации.

Видеото објавено на официјалниот Телеграмски канал на Центарот, според Украина, покажува дека севернокорејските војници преземаат воени униформи и опрема во воена база на далечниот исток на Русија.

Како што соопшти Центарот, видеото е снимено во тренинг центарот Сергејевски.

Exclusive – Newly obtained footage from Russia's Sergievsky Training Ground showing North Korean troops being outfitted in Russian gear in preparation for deployment to Ukraine. pic.twitter.com/01Z4jZIiOe

— SPRAVDI — Stratcom Centre (@StratcomCentre) October 18, 2024

Украински извори со денови тврдеа дека севернокорејски војници биле испратени во Русија за да учествуваат во војната против Украина.

Да потсетиме, Министерството за одбрана на Јужна Кореја пред 10 дена објави дека Северна Кореја најверојатно ќе испрати дел од своите редовни вооружени сили во Украина како поддршка на Русија.

Неколку дена подоцна, американскиот Институт за проучување на војната објави дека неколку илјади севернокорејски војници се обучуваат во Русија и може да бидат распоредени во Украина.