Улогата на Мицкоски и Камчев во „Бугарската врска“

„Бугарската врска“ треба да се проучи и истражи, откако Камчев се најде на црната листа на американските власти. Во таа врска главни актери се Орце Камчев и Христијан Мицкоски, вели анализата на Фактор. Бг од Софија.

Љубиша НИКОЛОВСКИ

Бугарија од неодамна доби нова Влада која како новина промовира повеќе проевропски вредности и желба за расчистување со периодот на владеење на претседателот Румен Радев кој често пати се споредува со т.н. длабока држава која работи како продолжена рака на надворешни интересни групации или држави.

Со новите ветришта во Бугарија се отвораат случаи што можеле да станат темни петна врз европското лице на Бугарија.

Загриженоста доаѓа од фактот што ставањето на Јордан Камчев на црната листа на САД отвори многу прашања – не само во Северна Македонија, туку и во Бугарија, која е членка на ЕУ, а според Вашингтон, Камчев е обвинет за поткопување и загрозување на стабилноста на Западен Балкан, преку корупција.

Затоа бугарската врска денеска треба да се проучи и истражи, откако Камчев се најде на црната листа на американските власти. Во таа врска главни актери се Орце Камчев и Христијан Мицкоски, вели анализата на Фактор. Бг од Софија.

Според порталот (faktor.bg)  случајот „Камчев“ во Бугарија предизвикува интерес, поради тоа што лично претседателот на опозициската ВМРО-ДПМНЕ, Кристијан Мицкоски, признава дека бил финансиран од него.

Порталот потсетува дека летото 2021 година беше објавена аудио снимка која сведочи дека Мицкоски добивал пари директно од Орце Камчев. Од него јасно се гледа дека самиот Мицкоски пријавил дека Камчев ги плаќал сите сметки на најсилниот бугарски политички противник – ВМРО-ДПМНЕ, па дури и парите за кабелската телевизија во партиското седиште во Скопје. Порталот констатира дека од снимката се гледа и дека Мицкоски никогаш нема да заборави што направил Камчев и ќе се бори со нокти и заби да не биде осуден.

Кога во написот се вели Камчев ги плаќал сметките на „најсилниот бугарски политички противник ВМРО-ДПМНЕ“, се наведуваат изјавите на лидерот Христијан Мицкоски кој „изминатава година, деноноќно ги плаши сограѓаните со „Бугарска диктатура“, „Бугарски фашизам“ и „Бугарско негирање на идентитетот“.

Ова, според американските власти, се смета за главна пречка и закана Северна Македонија да стане најопасното место на Западен Балкан, понестабилно дури и од Косово и Босна и Херцеговина.

Интересен цитат од протечените снимки со Камчев е дека тој демонстрира силно чувство за влијание во Бугарија и преку кое ќе ја погоди Македонија:

“Ќе пуштам од Бугарија како Ким Јонг. Па тепајте се во Македонија. И ќе иде се у п…у матер. И ќе дојде Мицкоски. И шо праиме после? Треба крв до колена? Не се научија дека за 30 години најпаметни испаднаа Љупчо и Бранко кои после седнаа се договорија, така беше?”

„Мицкоски ги натера пратениците од неговата партија да потпишат заклетва пред нотар дека нема да ги поддржат измените во македонскиот устав за регистрација на локалните Бугари, што е клучен услов за почеток на преговори за членство на нашиот југозападен сосед во ЕУ“, пишува Фатокр.бг.

Веднаш по презентирањето на одлуката на Министерството за финансии на САД, потсетува Фактор.бг, амбасадорот на Вашингтон кај нашиот југозападен сосед изјави:

„Министерството за финансии го стави бизнисменот Орце Камчев на црна листа за корупција, поткуп, перење пари и други кривични дела. Овие санкции, како што прецизираше, не ги засегаат само имотите и имотите на Камчев, туку и неговите деловни партнери, а САД ќе продолжат да укажуваат на корумпирани поединци кои го поткопуваат владеењето на правото и стабилноста во соседна Северна Македонија. Агелер додаде дека „корупцијата има последици.“

Уште повеќе, потсекретарот за контратероризам и финансиско разузнавање на Министерството, Брајан Нелсон, даде уште пошокантни откритија додавајќи: „Камчев ја злоупотребил својата положба учествувајќи во коруптивни акции, на сметка на демократските институции и граѓаните на Република Северна Македонија“.

И токму во него е вистината за злобната улога на Орце Камчев и блокирањето на евроинтеграциите на нашиот југозападен сосед, констатираат новинарите на бугарскиот медиум.

Овие наводи на кои потсетува бугарскиот медоиум се од особена важност за бугарската дипломатија па затоа се прашуваат „во каква збунувачка ситуација би била Бугарија денес доколку Камчев бил нејзин почесен конзул пред години.

„Иако со ограничен дипломатски имунитет, тоа ќе му помогнеше дома да го избегне затворот, а на меѓународен план ќе беше дамка за бугарската дипломатија и нашата највисока политичка елита. Оттаму започнаа проблемите со македонската влада на Зоран Заев, кои се одразија на односите меѓу Бугарија и Северна Македонија, а нашата земја ја загуби лидерската улога на Западен Балкан поради бескрајните историски спорови. Но, добрата вест е што во 2022 година Орце Камчев беше осуден во случајот „Земји на Водно“ (Водно е најпрестижната населба во Скопје)“, контстира бугарскиот портал.

Во овој контекст би можела да се анализира и идејата за вклучување на македонските Бугари во Уставот на Република Македонија.

Порталот изнесува и еден малку познат податок дека во 2001 година, при потпишувањето на Охридскиот договор, Бугарија го одби барањето на тогашната Република Македонија да ги вклучи македонските Бугари во нивниот устав.

„Оттука произлегува логичното прашање – чија идеја е да се регистрираат македонските Бугари, која произлезе од средбата на 22.07.2021 година меѓу лидерот на ГДУ Петар Колев и веќе поранешниот вршител на должноста министер за надворешни работи Светлан Стоев на Р. Бугарија – в.д., или всушност е поврзано со ВМРО-ДПМНЕ и бугарската поврзаност на Орце Камчев? Тоа е направено со цел, но се е опишано во дел од цитатот од записот на Орце Камчев: „И ќе дојде Мицкоски“, се вели во анализата на Фактор.бг.

Бугарските граѓани заслужуваат одговори на следниве прашања, ја завршува анализата порталот Фактор.бг:

1. Дали Красимир Каракачанов ги користи своите врски со поранешниот воен министер Бојко Ноев, преку кој ја наметнува идејата за регистрирање на македонските Бугари преку претседателот Румен Радев?

2. Дали двојниот државјанин Ванчо Јанакиевски е агент на УДБА, под кодно име ЗОРКА и дали е еден од основачите на бугарскиот клуб „Цар Борис“ од Охрид?

3. Која е логиката бугарската држава да предложи за свој почесен конзул во Република Македонија личност која финансира и има влијание врз политичка формација која влева антибугаризам и ја блокира интеграцијата меѓу двете земји?

4. Бугарските специјалци да ги проверат гласините кои се шират во Република Македонија дека се платени 15 милиони американски долари за Камчев да стане почесен конзул на Бугарија“.