Skip to content
Сообраќајот на државните патишта утрово се одвива непречено и претежно по суви коловози, но АМСМ предупредува на можни одрони на повеќе делници пред продолжениот викенд по повод 11 Октомври.
Интензитетот на сообраќај надвор од населените места е умерен, а на граничните премини од македонска страна засега нема подолги задржувања за влез и излез од државата.
Од АМСМ предупредуваат на зголемена опасност од одрони на патните правци Катланово – Велес, Маврово – Дебар – Струга, Виница – Берово и Кочани – Делчево.
Возачите се повикуваат да ја приспособат брзината според условите на патот, да ја почитуваат поставената сигнализација и да бидат особено внимателни при движење низ клисури, речни долини и котлини.
Патниот правец Охрид – Ресен преку Националниот парк Галичица е отворен за сообраќај за возила со тежина до 3,5 тони.
Продолжениот викенд е по повод 11 Октомври – Денот на народното востание. Бидејќи празникот годинава се паѓа во недела, понеделник, 12 октомври, е неработен ден.
АМСМ им препорачува на граѓаните кои планираат патување да ја проверат состојбата на патиштата непосредно пред тргнување.
