Skip to content
Советниците од СДСМ во Општина Прилеп ја напуштија седницата на Советот откако не им беше прифатена нивната предлог точка за состојбите со чистењето на улиците во градот, а градоначалникот Борче Јовчески не се појави на седницата.
Советникот Александар Китаноски, истакна дека Прилеп е претворен во огромен скијачки центар.
„Јовчески го претвори Прилеп во скијачки центар…ул.Петта Прилепска е одлична за слалом, ул. Борка Талески за спуст, а сите останати за уметничко лизгање. Не овозможи само услови за ноќно скијање бидејќи нема улично осветлување“, рече советникот Китановски.
Тој додаде дека додека градоначалникот на Кавадарци, Митко Јанчев им овозможил на граѓаните скијачки центар на 50 километри од градот, но Јовчески се потрудил тие скијачкиот центар да го имаат дома.
