Skip to content
На мапата која ФИФА ја прикажа за време на жрепката за квалификациите за Светското првенство во 2026 година, полуостровот Крим не беше дел од Украина, поради што официјален Киев побара јавно извинување.
На мапата на ФИФА се прикажани земјите кои не можеа да играат една против друга од политички причини, на неа Крим не е вклучен во границите на Украина.
Русија го анектираше украинскиот полуостров во 2014 година – чекор кој беше осуден од меѓународната заедница.
„Не само што постапивте спротивно на меѓународното право, туку и ја поддржавте руската пропаганда, воените злосторства и криминалната агресија против Украина“, напиша портпаролот на украинското Министерство за надворешни работи Георгиј Тихи на социјалната мрежа X. Тој побара јавно извинување од ФИФА.
Портпаролот на ФИФА рече дека графиката е веќе отстранета од видеото и дека прашањето се разговара со украинските претставници.
