Голема полициска акција – приведени 29 лица се трага и по екс генералниот директор на РЕК Васко Ковачевски

Осомничени за организирање на злосторничко здружение за злоупотреба на јавен повик за набавка на адитиви, со што е нанесена штета од 6,5 милиони евра, се 29 лица, објавува Нова ТВ.

Васко Ковачевски, поранешен директор на ЕСМ и поранешен член на Управниот одбор на компанијата, е едно од звучните имиња опфатени во денешната акција на МВР, за откривање на повеќе дела поврзани со епскиот криминал во РЕК Битола, во ТЕЦ Осломеј и во ТЕЦ Неготино, за кој се говори подолго време. Полицијата трага по Ковачевски, за кои постојат информации дека веќе извесен период е надвор од земјата. Премиерот Христијан Мицкоски се надева дека тој во најскоро време ќе биде пронајден. На прес-конференција во Владата порача дека надлежните органи имаат обезбедно доволно докази за направените злоупотреби.

Со мега акцијата на МВР се опфатени вкупно 29 физички и 4 правни лица од Велес, Неготино, Битола, Кичево и од Скопје.

Станува збор за злоупотреба на јавен повик за набавка на адитиви за РЕК Битола и за ТЕЦ Осломеј, при што осомничените членови на злосторничкото здружение нанеле штета и стекнале противправна имотна корист од околу 6,5 милиони евра.