Skip to content
Бугарската претседателка Илијана Јотова со воодушевување ја поздрави одлуката Бургас да биде домаќин на Евровизија 2027, оценувајќи дека градот добива голема можност да се претстави пред европската публика и да привлече илјадници посетители.
„Имаме неверојатна шанса да го покажеме бугарското гостопримство, да ги запознаеме гостите со културно-историските традиции на градот и земјата и да ги привлечеме како туристи на Црното Море“, порача Јотова на Фејсбук.
Таа потсети и на долгата музичка традиција на Бургас, додавајќи дека градот сега добива можност да биде домаќин на еден од најголемите телевизиски музички настани во Европа.
„Чудата доаѓаат со љубовта кон бугарското море и родниот брег“, напиша Јотова, посакувајќи им успех на жителите на Бургас во подготовките.
Бургас беше избран од Бугарската национална телевизија и Европската радиодифузна унија за домаќин на Евровизија 2027. Големото финале ќе се одржи на 15 мај во „Арена Бургас“, а полуфиналните вечери се закажани за 11 и 13 мај.
