Вучиќ сака да биде Радивој Кораќ, одигра баскет со Мута Николиќ, резултатот е тајна

Вучиќ како Радивој Кораќ влезе во кадарот на новата снимка од неговиот подкаст, во која српскиот претседател Александар Вучиќ и познатиот кошаркарски тренер Мирослав Мута Николиќ одиграа баскет еден на еден. Дел од дуелот беше објавен на социјалните мрежи, но резултатот и победникот не беа откриени.

Мута Николиќ беше првиот гост во новиот подкаст на Вучиќ, наречен „ПодкАВст“. Разговорот беше посветен на кошарката, спортските анегдоти и искуствата од долгата тренерска кариера на Николиќ.

По разговорот, двајцата ја заменија подкаст масата со кошаркарскиот терен. На објавената снимка може да се види како Вучиќ и Николиќ шутираат од неколку позиции и погодуваат, но видеото не го прикажува целиот натпревар.

Вучиќ ја искористи кошаркарската партија и како најава за целата епизода на својот канал на Јутјуб, порачувајќи дека со Мута никогаш не е здодевно. Кусата снимка ја задржа најважната спортска информација надвор од кадарот, кој победил во дуелот.