Германските фудбалерки се револтирани заради воајеризмот на нивните натпревари

Лена Обердорф
Лена Обердорф

Германската фидбалерка Лена Обердорф се пожали на воајеризам на женските натпревари и на видеа создадени преку вештачка интелигенција (АИ) на социјалните мрежи.

Таа рече дека нашла и видео „каде еден дечко од Волфсбург зумирал со својот мобилен од трибините кога девојките се истегнувале“.

23-годишната играчка на Баерн Минхен рече дека понекогаш и таа мисли дека лежењето на тревата е неповолна позиција.

Гледајќи ги социјалните мрежи, Обердорф се пожали на различни форми на видеа.

„Кога одам на „Тикток“ по натпреварот, гледам и сто монтирани видеа. Кога ќе го подигнам дресот за да ја избришам потта, имам пет уредувања од тоа, со таква секси музика, каде што си мислам: уфф…“, рече таа.

Има и видеа со вештачка интелигенција каде што таа вели дека е сведена на предмет, и едно со соиграчот Жил Брант „каде ја бакнувам – и мислам дека сега е доволно“.

Зачлени се на нашиот е-билтен