Руските ракети во Одеса ноќеска погодиле силос за жито и нафтен терминал, има повредени цивили

 Украинската државна телевизија Суспилне утринава соопшти дека за време на новиот ноќен напад врз областа Одеса, руските ракети погодиле силос за жито и нафтен терминал, оштетиле цистерни и опрема за товарење и предизвикале пожар. 

Вестаза погодените цели утринава ја соопшти Владислав Назаров, портпарол на Командата на украинската армија на јужното бојно поле.

Армијата соопшти дека е погоден индустриски објект, во кој е повреден еден работник, а погодени се и два магацина на различни локации – со тутун и огномети.

Во Одеса се оштетени и неколку станбени згради. Најмалку шест жители на градот, меѓу кои и едно деветгодишно момче, побарале лекарска помош откако биле повредени од скршено стакло и други предмети.

Тврдењата на украинската армија меѓутоа не се потврдени од независен извор.