Шинаватра по 15 години егзил се врати во Тајланд

Поранешниот премиер на Тајланд, Таксин Шинаватра, денеска по 15 години се врати во земјата од егзил, а неговото враќање се совпаѓа со обидот на неговите сојузници да формираат влада.

Шинаватра, лидер на популистичкото движење Пеу Таи, кратко се појави со членовите на семејството на аеродромот Дон Муанг во Бангкок, поздравувајќи ги стотиците поддржувачи.

Тој побегна во странство во 2008 година за да избегне затвор за злоупотреба на службената должност, две години откако војската го собори со државен удар додека присуствуваше на состанок на ОН во Њујорк.