Skip to content
Одлуката на американскиот претседател Доналд Трамп да суспендира две програми за американска помош на меѓународните нуклеарни инспектори на почетокот на јануари може да ја поткопа неговата цел за спречување на Иран да развие нуклеарно оружје, пишува „Њујорк Тајмс“.
Иако една од програмите подоцна беше обновена, последиците од овие одлуки, според весникот, ја намалиле довербата во механизмите кои со децении го следеле иранскиот нуклеарен напредок.
Некои експерти предупредуваат дека ваквите потези можат да ги одвратат професионалците од вклучување во областа за неширење на нуклеарното оружје и да ја усложнат глобалната борба.
Меѓународната агенција за атомска енергија (МААЕ) одби да ги коментира кратењата на помошта, но претставник на американскиот Стејт департмент изјави за „Тајмс“ дека националната безбедност на САД останува врвен приоритет и дека „одредена американска поддршка за програмите што ја зајакнуваат способноста на МААЕ за проверка на нуклеарните постројки низ светот, вклучително и во Иран, продолжува“.
Сепак, Стејт департментот не прецизираше дали некоја од програмите останала замрзната или е целосно прекината, пренесе „Тајмс оф Израел“.
