Skip to content
Иранските вооружени сили денес објавија дека воената операција против Израел е завршена, но предупредија на уште пожестоки напади доколку Израел продолжи со нападите врз Либан, објави полуофицијалната иранска новинска агенција Фарс.
„По агресијата и саботажните акти од страна на бруталниот ционистички режим на југот на Либан и областа Дахија, извршени со поддршка на криминалната Америка, моќните вооружени сили на Исламската Република Иран, во поддршка на угнетениот народ на Либан, му дадоа на овој режим болен одговор“, се наведува во соопштението на Централната команда.
Претседателот на САД, Доналд Трамп, претходно денес на својата социјална мрежа, побара и од Иран и од Израел да престанат да пукаат едни кон други, по бранот напади што се заканија да ги загрозат напорите за постигнување мировен договор и завршување на економски разорната војна, објавува Ал Џезира. Досега немаше непосреден одговор од Израел.
