Орбан: Унгарија ќе купи четири воени авиони „Грипен“ од шведско производство

– Унгарија ќе купи четири воени авиони „Грипен“ од шведско производство, со што ќе ја прошири постојната флота од 14 авиони, изјави премиерот на Унгарија, Виктор Орбан.

„Денеска постигнавме договор за додавање четири авиони на флотата „Грипен“ на унгарските одбранбени сили“, рече Орбан по разговорите со шведскиот премиер Улф Кристерсон пред клучното парламентарно гласање на унгарскиот Парламент за кандидатурата на Стокхолм за членство во НАТО.