Skip to content
Тинејџер во Велика Британија е осуден на казна од три години и 11 месеци во установа за малолетни престапници, откако бил прогласен за виновен за поседување експлозивни материјали, упатување закани за напад врз училиште и поврзани безбедносни прекршоци.
Станува збор за Џегер Стрaнг, кој во моментот на дел од делата имал 17 години. Тој бил пријавен од колеџот „Стафорд“ во септември 2024 година, откако на неколку соученици им кажал дека планира да активира бомба во училиштето и дека поседува оружје. Полицијата потоа започнала итна истрага.
Во текот на истрагата биле откриени вознемирувачки докази, вклучувајќи пораки на Snapchat, фотографии и видеа во кои се прикажани експерименти со оган, како и материјали поврзани со изработка на оружје. Истрагата утврдила и дека тинејџерот пребарувал информации за масовни убиства и напади во училишта.
Полицијата пронашла и рачно напишан „манифест“ во кој тој изразува фасцинација со масовно насилство и споменува планови за напади, како и намера да стане познат преку такви дела. Надлежните служби нагласуваат дека случајот бил сериозно сфатен и навремено спречен потенцијален напад.
Судот во Бирмингем утврдил вина по повеќе точки, вклучувајќи поседување експлозивни материи, закани за убиство и поседување материјали поврзани со изработка на бомби. Одбраната делумно ги негирала обвинувањата за намера, но судот ја прифатил доказната основа на обвинителството.
Случајот предизвика широка јавна дебата во Велика Британија за растечкиот број случаи кај малолетници поврзани со екстремно насилство, како и за потребата од построги мерки и рана превенција во училиштата и заедницата.
