Skip to content
Унгарската телеком компанија Групација 4иГ, влегува во Северна Македонија, пренесуваат медиумите од оваа земја денеска.
Според унгарските медиуми, вицепремиерот на Северна Македонија и министерот за транспорт и врски Александар Николоски и претседателот на Групацијата 4iG разговарале за можностите за влез на групата 4iG на пазарот на телекомуникации во Северна Македонија.
Александар Николоски и Јасзаи Гелерт се сретнале во Будимпешта и во соопштението на 4iG се наведува дека влезот на групацијата на северномакедонскиот пазар „совршено би се вклопил“ во деловната стратегија на компанијата, чија една од целите е континуирано зголемување на присуството на групацијата на Западен Балкан.
Според најавата, Jászai Gellért, претседателот на групата 4iG, на средбата зборувал за нивната сериозна намера да влезат на пазарот, поради што во наредните недели ќе започнат преговори со Владата на Северна Македонија за дефинирање на рамката за иднината соработка. На официјалната средба двете страни ја истакнале клучната улога на развојот на дигиталната инфраструктура во економскиот и социјалниот развој.
4iG влезе на телекомуникацискиот пазар на Западен Балкан (Црна Гора и Албанија) во 2022 година, а потоа лансираше свој телекомуникациски бренд ONE.
4iG, кој исто така цели кон вселената и ги здружи силите со унгарската држава пред две години за да го вклучи Водафон Унгарија во изградбата на подводен кабел за податоци со голем капацитет со Телеком Египет, кој ќе ги поврзе Египет и Албанија. Според групата, инвестицијата може да биде корисна и за Северна Македонија, бидејќи може да придонесе за забрзување на дигитализацијата и економскиот раст на земјата.
4iG е една од врвните компании блиски до премиер Виктор Орбан, за кои медиумите во Унгарија пишуваа детално октомври 2023 година.
