Избори во Финска: Десничарската опозиција со мала предност пред социјалдемократите на премиерката Марин

На трето место е националистичката, евроскептична и антиимигрантска партија „Финци“

Во Финска вечерва заврши гласањето за парламентарните избори, а во моментов се пребројуваат гласачките ливчиња, пренесуваат британските медиуми.

Според првичните податоци од гласањето, десничарската опозициска Национална коалициска партија на Петери Орпо води со 20,8 отсто, а финската Социјалдемократска партија на премиерката Сана Марин е речиси израмнета со 20,7 отсто од гласовите, наведуваат британските медиуми.

На трето место е националистичката, евроскептична и антиимигрантска партија „Финци“, на Рика Пура со 18,6 отсто. (МИА)