Skip to content
Криптовалутата $TRUMP стана шеста најтргувана криптовалута во светот за само 24 часа, привлекувајќи внимание и од оние кои никогаш досега не биле дел од крипто-светот.
Според најавите, овој „службен“ мем токен на администрацијата на Доналд Трамп ќе биде излистан на главните крипто-берзи, како Coinbase и Binance.
Binance потврди дека трговијата со TRUMP токен ќе започне на 19 јануари, додека Coinbase најави дека ќе го додаде токенот наскоро, иако не прецизираше точен датум.
Токенот веќе е достапен за тргување на берзи како Bitget, KuCoin и Kraken. Податоците покажуваат дека пазарната капитализација на TRUMP изнесува над 7,6 милијарди долари, со дневен обем на трговија од околу 15 милијарди долари.
Претходната криптовалута на Трамп, MAGA, која беше базирана на Ethereum, забележа значителен пад во вредноста откако беше лансиран официјалниот TRUMP токен.
TRUMP токенот е поврзан со CIC Digital LLC, компанија на Трамп која претходно продавала NFT-колекции и други производи со неговиот бренд. Според извештаите, CIC Digital остварила приходи од над 7 милиони долари минатата година.
И покрај контроверзиите, ова претставува уште еден чекор на Трамп во насока на исполнување на неговото предизборно ветување дека ќе биде „крипто-претседател“.
(Извор: Svijet.hr)
