Што пишува во свечената заклетва на претседателот и комесарите на Европската комисија! Тие се обврзуваат на четири специфични ставки

За Европската комисија од големо значење е изјавата што ја даваат претседателот и комесарите пред Судот на правдата на Европската унија во Луксембург. Новата Комисија, во знак на длабока почит кон оваа традиција, кратко време по изборот на претседателот и членовите на комисијата, (неколку недели по почетокот на нејзиниот мандат), предложи пред Судот да ја даде изјавата.

Во заклетвата што вчера пред Судот на правдата на Европската Унија, на свечена седница ја дадоа претседателот и членовите на Комисијата пишува:

„Како член на Европската комисија, назначен од Европскиот совет по гласањето за поддршка на Европскиот парламент, свечено се обврзувам: 

-дека ќе ги почитувам Договорите и Повелбата за основните права на Европската унија при извршувањето на сите мои должности;

-дека ќе бидам целосно независен во извршувањето на моите обврски, во општиот интерес на Унијата;

-дека нема ниту да барам ниту да прифаќам инструкции од која било влада, институција, тело, канцеларија или ентитет;

-дека ќе се воздржувам од каква било активност што е некомпатибилна со моите должности или со извршувањето на моите задачи.

Ја земам предвид и обврската утврдена во Договорот за функционирање на Европската унија, според која секоја земја-членка мора да го почитува овој принцип и не смее да влијае на членовите на Комисијата при извршувањето на нивните задачи.

Понатаму се обврзувам да ги почитувам, за време и по мојот мандат, обврските што произлегуваат од него, особено обврската да постапувам со интегритет и дискреција во однос на прифаќањето на одредени ангажмани или придобивки по завршувањето на мојот мандат“.

Свечена изјава дадоа:

Урсула фон дер Лајен, претседател,

Тереза ​​Рибера Родригез, извршен потпретседател,

Хена Марија Виркунен, извршен потпретседател,

Стефан Сежурне, извршен потпретседател,

Роксана Минзату, извршен потпретседател,

Рафале Фито, извршен потпретседател,

Членови на комисијата: Дубравка Шуица, Оливер Вархеји, Вопке Бастијан Хоекстра, Андриус ​​Кубилиус, Јозеф Сикела, Константинос Кадис, Марија Луис Казанова Моргадо Диас де Албукерки, Магнус Брунер, Џесика Росвол, Пјотр Аркадиуср Серафин-Анчева, Мекграт, Апостолос Цицикостас и Глен Микалеф.