Романците бесни поради кражбата на културните богатства: Од холандските власти бараат да им се вратат артефактите

Романската влада е бесна откако националното културно и историско богатство позајмено на холандски музеј  Дренц беше украдено во речиси филмска грабеж во текот на викендот.

Група крадци употребиле експлозив за да упаднат во музејот во Асен во раните утрински часови во саботата и украле четири антички романски артефакти, вклучувајќи го и златниот шлем Котофенести, стар речиси 2.500 години, кој бил позајмен од Националната Историски музеј на Романија во Букурешт.

Директорот на музејот Дренц грабежот го нарече „црн ден“ за културната установа.

„Во своето 170-годишно постоење, никогаш не се случил таков голем инцидент“, рече тој, додавајќи дека полицијата истражува.

Романскиот премиер, Марсел Чолаку, во неделата рече дека владата формирала „кризен тим“ за враќање на артефактите со претставници од Министерството за внатрешни работи, Министерството за правда, Министерството за култура, Министерството за надворешни работи и романската полиција.

Чолаку додаде дека министерката за култура Наталија Интотеро ќе разговара за кражбата со холандскиот премиер и холандското кралско семејство на маргините на настанот во Полска по повод 80-годишнината од ослободувањето на логорот на смртта Аушвиц.

Министерката, Интотеро, ќе „пренесе цврста порака од романската влада дека овие непроценливи парчиња наследство ќе бидат вратени што е можно поскоро“, рече Чолаку.

Чолаку, исто така, во понеделникот рече дека владата не одобрила транспорт на четири украдени артефакти, шлем и три златни нараквици, во Холандија, законски услов за такви непроценливи предмети, објавија романските медиуми.

Грабежот се случил на 25-ти јануари, а целиот инцидент е снимен на надзорната камера, пишува британскиот весник The Sun.