Skip to content
Технолошкиот магнат Илон Маск го прошири своето семејство, пречекувајќи го своето 14-то дете – син по име Шелдон Ликург.
Ова дете е со Шивон Зилис, висока извршна директорка во неговата компанија Neuralink. Двајцата веќе имаат три деца заедно, а веста беше објавена преку објава на Зилис на платформата X (поранешен Twitter), која подоцна ја потврди и Маск.
„Разговаравме со Елон и, во чест на роденденот на прекрасната Аркадија, почувствувавме дека е најдобро директно да ја споделиме веста за нашиот неверојатен син Шелдон Ликург. Со златно срце. Толку многу го сакаме“, напиша Зилис.
Маск и Зилис се родители и на близнаците Страјдер и Азур, како и на ќерката Аркадија. Нивното родителство стана познато во ноември 2021 година, кога се откри дека тајно ги добиле близнаците.
Покрај децата со Зилис, Маск има три деца со музичарката Грајмс и уште шест од претходниот брак со писателката Џастин Вилсон, иако едно од нив трагично починало во раното детство.
Елон Маск против Ешли Сент Клер: Продолжува спорот за неговото 13-то дете
Оваа вест доаѓа во момент кога Маск се соочува со контроверзии околу тврдењата за неговото наводно 13-то дете со медиумската личност Ешли Сент Клер. Додека шпекулациите растат, Маск сè уште нема дадено јавен коментар за нејзините тврдења.
Сент Клер покрена тужба за татковство и старателство против директорот на Tesla, но инсистира дека нејзините мотиви не се финансиски.
„Ова никогаш не било за пари за Ешли“, изјави нејзиниот портпарол за списанието PEOPLE. „Станува збор за благосостојбата и најдобрите интереси на детето на Ешли и Елон, особено со оглед на тоа што тој покажал неподготвеност за вклучување, а камоли за постојана родителска поддршка.“
Претставникот дополнително го критикуваше однесувањето на Маск на социјалните мрежи, наведувајќи: „Господинот Маск троши повеќе енергија на дискусии за мајките на своите деца на неговата платформа отколку на комуникација со нив. Се обидовме да го решиме ова прашање на мирен начин, но родителството бара вложување напор и од таткото и од мајката. За жал, тој ги одби сите обиди за разговор.“
