Skip to content
Поранешниот директор на Царинската управа, Стефан Богоев, упати честитка по повод Денот на Царинската управа, истакнувајќи ја клучната улога што институцијата ја има во државниот систем и придонесот на нејзините вработени.
„Царината е темел на државната стабилност – а нејзините вработени се нејзиното најголемо богатство,“ порача Богоев.
Тој се осврна на постигнувањата за време на неговиот мандат, нагласувајќи го рекордното зголемување на платите за над 40% кумулативно, модернизацијата на просториите и униформите, како и имплементацијата на паметни камери на граничните премини.
Меѓу реализираните активности ги посочи и почетоците на новиот едношалтерски систем, реконструкцијата на бројни гранични премини и испостави, како и засилената обука и меѓународна соработка.
„Чест ми е што ја водев оваа институција и ми е особено драго што започнатите проекти продолжуваат да се реализираат и понатаму,“ изјави Богоев.
Тој на царинските службеници им посака уште повеќе успеси, како во собирањето приходи, така и во борбата против корупцијата, со цел Царинската управа да остане партнер на стопанството и заштитник на граѓаните.
