Skip to content
Белград повторно е под силно полициско присуство. На социјалните мрежи се течат снимки во живо со предупредувања за „почеток на хаосот“ пред зградата на Генералштабот. Репортерите на N1 јавуваат дека групи приврзаници на владејачката СНС испукале пиротехнички средства преку кордоните на Жандармеријата кон демонстрантите на потегот меѓу Генералштабот и Владата. Сцената е напната, со наизменично потиснување на колоните и остри свирежи од толпата.
ВО ЖИВО од БЕЛГРАД:
Паралелно, на „X“ профилот на Зеленo–левиот фронт беше објавено видео од улицата „Кнез Милош“ на кое се гледа група помлади мажи, најголем дел облечени во црно, со дрвени палки во рацете. N1 го пренесе видеото, а меѓу двете групи е поставен кордон на Жандармеријата.
Batinaši sa štanglama u Kneza Miloša spremni da tuku našu decu! pic.twitter.com/OvxDN6Ov88
— Zeleno-levi front (@nedavimobgd) August 14, 2025
Локалните медиуми јавуваат дека полицијата и Жандармеријата во неколку наврати ги потиснувале демонстрантите, со употреба на солзавец за растерување во поширокиот центар. Истовремено, низ Србија се одржуваат протестни прошетки во повеќе градови — од Белград и Нови Сад, до Ниш, Крагуевац и Чачак — со вечерни собирања најавени на десетици локации.
Ispred SNS Savski Venac pic.twitter.com/Ypt1igQlxj
— Daniel Bukumirovic (@bukumir) August 14, 2025
Во Нови Сад, каде претходните денови имаше жестоки судири, вечерва повторно се пријавуваат инциденти и оштетувања на партиски простории на СНС, како и употреба на пиротехника кон граѓаните. Снимки и фоторепортажи покажуваат разбивани стакла и коридори од солзавец, додека здравствените екипи интервенираат кај неколку повредени.
