Скопјани и покрај рестрикциите пијат безбедна вода

Водата за пиење во Скопје е безбедна, покажува најновиот неделен лабораториски извештај на ЈП „Водовод и канализација“ – Скопје. Во периодот 11–15 август, Секторот за санитарна контрола земал вкупно 444 примероци – 222 за физичко-хемиска и 222 за микробиолошка анализа – од 54 мерни места низ градот. Според претпријатието, резултатите потврдуваат дека скопската вода ги исполнува критериумите за квалитет и безбедност за пиење.