Зошто операцијата за целосно освојување на градот Газа се нарече „Кочиите на Гидеон“?

Командантите на Израелските одбранбени сили (IDF), ја именуваа операцијата за целосна окупација на градот Газа како „Кочиите на Гидеон“, како име кое резонира со Стариот завет на Библијата. Оваа операција повикува на слики од големиот библиски воин Гидеон, кого Бог го регрутирал да ги победи бруталните и моќни Мидијанци, или некаде се среќаваат и како Мидијци. Во Книгата на судиите се вели дека Гидеон ги победил Мадијанците само со 300 луѓе, објаснува статијата на Џерусалем Пост.

Користењето на името на Гидеон во оваа операција во Газа е значајно за Евреите. Гидеон не ги победил Мидијанците со илјадници војници, туку со стратегија, тактика, вештина и досетливост. Ги натерал да се свртат еден против друг, а потоа ги искористил нивните стравови. Тие избегале од страв за своите животи. Така велат библиските митови.

На почетокот, Гидеон имал 25.000 војници. Тој ги намалил на 300, користејќи два одделни теста. Прво, им се обратил велејќи: Ако се плашите, одете си, одете дома. Потоа 15.000 потенцијални воини заминале, оставајќи го со преостанатите 10.000 регрути.

Тој им рекол на регрутите да пијат вода од локален извор на вода. Сите оние што клекнаа и ја голтнаа водата со лицата или јазикот во водата беа ослободени и испратени дома. Оние што ја пиеја водата со рацете го положија неговиот последен тест.

Ова не беше прашање на учтиво однесување или соодветна етика. Оние што клекнаа и пиеја, ставајќи ги главите и јазиците кон водата, останаа без одбрана и ранливи. Оние што ја пиеја водата со рацете сè уште можеа да ја набљудуваат околината додека пиеја.

Според библиските приказни, овие 300 храбри и верни војници спровееле планиран напад врз Мидијанците. Го опколија мадијамскиот логор ноќе. Секој војник бил вооружен со шофар (еврејски ритуален рог), глинен сад и факел. Во еден глас, тие дувнале во шофарите, ги скршија бокалите и ги запалија своите факели, давајќи им на Мадијанците впечаток дека се опкружени со огромна војска која доаѓа со голем број кочии. Мадијамците паничија и избегаа.

Можеби ќе биде изненадувачки да се дознае дека немало вистински кочии во битката на Гедеон, како што е опишано во раните поглавја во „Книгата на судиите“, но тоа е целата поента на приказната. Мадијанците имале далеку помоќно оружје и војници, но она што им недостасувало, според митот, е она што го имале Гедеон и неговите војници: храброст, мудрост, многу добар план и вера во Бога.

Инаку, вообичаено е ИДФ, Мосад и другите безбедносни структури на Израел да користат библиски или имиња од нивниот Талмуд за вакви воени или безбедносни операции.

Операцијата „Божји гнев“ беше доделена на операција спроведена од Мосад помеѓу 1972 и 1979 година. За време на оваа операција, агентите беа задолжени да ги пронајдат, а потоа и да ги убијат терористите, непријатели на Израел, одговорни за масакрот врз израелските спортисти во Минхен за време на Олимписките игри во 1972 година.

Операцијата Шевет Ахим (буквално, Браќа живеат заедно во единство), официјално беше преведена од Израел како Операција Чувар на браќата. Операцијата започна како Јад Леахим (Подај му рака на својот брат). Операцијата, која вклучуваше расклопување на еврејската Газа, предавање на палестинска власт, се продолжи од 17 август до 12 септември 2005 година. Ова беше израелското повлекување од Појасот Газа, воена операција спроведена од ИДФ.

Операција Мечеви од железо. Самото име евоцира сила. ИДФ ја сака сликата на мечот. Тоа објаснува зошто многу од симболите на единиците на ИДФ го користат мечот, древен симбол на сила.