Српскиот академски пленум порача: Богдане, не си сам!

Академскиот пленум изрази целосна солидарност и поддршка за студентот Богдан Јовичиќ, кој денови наназад води борба за правда и достоинство. Неговата лична жртва веќе се претвори во симбол на пошироката битка за академска и општествена слобода, како и за еднакви закони што мораат да важат за сите.

Поддршки за Богдан пристигнуваат од студенти, професори, истражувачи и граѓани од цела Србија – од Нови Сад, Белград и Ниш, до Ваљево, Кикинда и Прибој. Во сите тие пораки се нагласува дека неговиот пример на храброст и истрајност е инспирација за сите кои одбиваат да се помират со неправдата.

Академскиот пленум посочи дека е недозволиво млад човек кој се бори за идеалите на правдата и слободата да биде изложен на ваков притисок, додека одговорните за смрт и штета уживаат привилегии.

„Богдановата борба не е само негова – тоа е борба на целата академска заедница и на општеството за еднаква правда, достоинство и слобода“, велат од Пленумот.

Пораката завршува со јасен повик: „Правда за Богдана!“