Руската служба за надворешно разузнавање тврди дека НАТО планира да ја окупира Молдавија

Според руските разузнавачи распоредувањето на НАТО сили е обид Европска Унија да ја „окупира“ Молдавија.

Во извештајот на СВР, објавен од руската државна новинска агенција ТАСС, се наведува дека ЕУ „е одлучна да ја задржи Молдавија во рамките на својата русофобна политика. Тоа планира да го направи по секоја цена, вклучително и распоредување на трупи и де факто окупација на земјата“.

– Во оваа фаза, воени единици на НАТО се концентрирани во Романија во близина на молдавската граница. Се подготвува „десант“ на НАТО во украинскиот регион Одеса за заплашување на Приднестровје. Според достапните информации, првата група професионален воен персонал од Франција и Велика Британија веќе пристигнала, се истакнува во соопштението на СВР.

Приднестровје, територија што се наоѓа на границата со Украина, се отцепи од Молдавија во 1992 година. Приднестровје, има силна поддршка од Русија и де факто функционира како независна држава со сопствена влада, армија, валута и пасош.

Молдавија бара сеопфатно решение, со кое целосно би се регионот во нејзина територија. Но, руската инвазија на Украина во 2022 година ги запре сите напори за наоѓање решение преку преговори „5+2“ во кои учествуваат Русија, Украина и Организацијата за безбедност и соработка во Европа, како и ЕУ и САД.