Трамп ја откажа средбата со Си по спорот околу ретките метали

По новиот трговски судир со Пекинг, американскиот претседател Доналд Трамп изјави дека „нема причина“ да се сретне со кинескиот претседател Си Џинпинг и ја откажа планираната средба во рамки на следните меѓународни собири. Ова доаѓа по одлуката на Кина да ги заостри контролите на извоз на ретки метали, клучни за технолошката индустрија, и најавата од Вашингтон за можни нови царини до 100% и ограничувања на технолошки извоз кон Кина. Изјавите предизвикаа пад на берзите и нова ескалација во односите.

Иако Трамп во подоцнежно обраќање остави мала можност за средба „ако има напредок“, моменталната позиција е јасна: разговoрот со Си се трга од агендата додека трае спорот околу ретките метали и тарифите.