Skip to content
Страшно злосторство се случи вчера во селото Завидинце во Србија, каде што во вооружен напад беа убиени две лица, а уште две ранети. Полицијата го уапси осомничениот за нападот, пренесува Nova.rs.
Според првичните информации, напаѓачот пукал со огнено оружје кон татко и син. М. Л. (44) бил убиен на самото место, а неговиот татко М. Л. бил тешко ранет. Идентитетот на второто убиено лице и на уште една ранетa личност засега не е официјално потврден.
Мештаните во шок и страв
Жителите на Завидинце велат дека се потресени од трагедијата, која го вознемири малото место. Бидејќи пукањето се случило на периферијата на селото, на почетокот кружеле различни информации за тоа што точно се случило.
„Тоа се добри луѓе – татко, мајка и двајца синови. Еден од нив има сериозни здравствени проблеми и никогаш не излегува од дома. Го видов последен пат пред петнаесет години. Чувме дека некој од нивната фамилија е убиен, но ништо не знаеме со сигурност. Се шират разни приказни – според една, пукал синoт, според друга, соседот“, изјави една мештанка.
Таа додаде дека во селото владее голем страв. „Не знаеме дали напаѓачот е на слобода. Пишував во полицијата во Пирот, никој не се јавува. Пријателите и роднините не престануваат да нè бараат. Ниe, пак, не знаеме што да кажеме – никој не знае што точно се случило.“
Осомничен сосед?
Според неофицијални информации од мештаните, напаѓачот наводно бил сосед на семејството. Мотивот засега е целосно непознат.
„Семејството врз кое е пукано е чесно и вредно. Над нив живее еден човек со својот внук. Како што слушнав, тој пукал кон соседите, а зошто – не знам. Не сме слушнале дека имало некакви конфликти меѓу нив. Можно е да имале проблеми, но селото е расфрлано, не сме толку блиски за да знаеме што се случува во туѓите куќи“, објасни друг мештанин.
Целото село моментално е блокирано со силни полициски единици, а увидот и претресот на терен се во тек.
Извор: Index.hr
