Skip to content
Утрово на неколку гранични премини се забележуваат подолги задржувања. На „Дојран“ времето на чекање достигнува околу 30 минути, а на „Табановце“ за излез од државата се чека приближно 40 минути. На останатите премини сообраќајот се одвива без значајни доцнења.
Состојбата на државните патишта е променлива, при што на повеќе делници коловозите се влажни. Присутна е и магла со намалена видливост, особено на планинските превои Ѓавато и Пресека.
„Македонија пат“ апелира до возачите на поголема претпазливост, предупредувајќи на можни ситни одрони, особено во усеците и клисурите. Возачите се повикуваат да ги почитуваат сообраќајните правила и да се прилагодат на условите на патот.
