Повеќе од 10 мртви во несреќа со училишен автобус во Колумбија (ВИДЕО)

Најмалку 10 лица загинаа, а 20 се повредени откако автобус што превезувал ученици паднал од карпа во рурална област во северна Колумбија, изјави денеска (недела), локалниот гувернер.

Во објава на X, гувернерот на Антиокија, Андрес Хулијан, изјави дека автобусот патувал од карипскиот град Толуа до Меделин по училишна екскурзија и превезувал ученици од средното училиште Антиокењо.

„Досега се регистрирани повеќе од 10 мртви и 20 повредени. Целата болничка мрежа е подготвена да обезбеди поддршка во оваа вонредна ситуација“, објави Хулијан.