Четири лица загинаа во лавини во северна Италија

Четири лица загинаа, а неколку се повредени денес во серија лавини во северна Италија.

Во алпскиот регион Валтелина, лавина погоди тројца скијачи, при што загинаа двајца.

Италијанската планинска служба за спасување во Трентино пријави две лавини, при што во секоја од нив загина по едно лице.

Инцидент имаше и во долината Аоста на границата со Швајцарија и Франција, каде што лавина однесе две лица од група од пет скијачи. Сепак, благодарение на нивната опрема, тие успеаја да се ослободат од снегот.

Сите инциденти се случиле на ден кој бил оценет како висок ризик од лавини, а на сила било предупредување од трето ниво од пет на европската скала за опасност од лавини.