Skip to content
Одронот на автопатот А1 на делницата Катланово–Велес е исчистен и од 10:30 часот сообраќајот повторно се одвива нормално по двете коловозни ленти, соопшти Авто-мото сојузот на Македонија (АМСМ).
Проблемот се појави утринава околу 8:40 часот, кога поради одрон на коловозот возилата се пропуштаа по една лента на краток потег од околу 20–25 метри. Од АМСМ информираа дека одронот бил на приближно 2,5 километри по бензинската станица „Детоил“, поради што возачите беа повикани на дополнителна внимателност додека траеше расчистувањето.
По интервенцијата и отстранувањето на материјалот од коловозот, движењето на возилата е вратено во вообичаен режим. Надлежните и натаму апелираат брзината да се прилагодува на условите на патот, особено на делници каде често има одрони и свлечишта.