Skip to content
Министерството за внатрешни работи поднесе кривична пријава за убиство против Жарко Грозданоски, под сомнение дека на свиреп начин го одзел животот на охриѓанецот Климе Митрески.
Според досегашните наоди од истрагата, крвавиот инцидент се случил по претходна вербална расправија меѓу двајцата мажи, која брзо ескалирала во физичка пресметка. Извори од истрагата потврдуваат дека Грозданоски, кој во јавноста е познат по своите радикални и екстремистички ставови, со голи раце го задавил Митрески, оставајќи го без знаци на живот на местото на настанот.
Полицијата изврши детален преглед на локацијата каде е пронајдено телото, а обезбедените материјални докази и изјави од сведоци укажуваат на директна поврзаност на осомничениот со делото.
Мотивите за ова свирепо убиство сè уште се предмет на дооформување на истражната постапка, но првичните индиции говорат за длабока нетрпеливост која кулминирала со фатален исход.
На осомничениот му е одредена мерка притвор, додека обвинителството работи на комплетирање на предметот за понатамошно процесирање пред надлежниот суд, со цел целосно расветлување на сите околности околу трагедијата што го потресе Охрид.