Со часови гореше отпадот кај Шуто Оризари, огнот конечно ставен под контрола

Денеска со часови гореше пожар во отпад во близина на Шуто Оризари.

Од запалените автомобили и машини над пожарот се извиваше црн густ чад кој се гледаше од повеќе локации низ Скопје.

Како што информираа надлежните, пријавата за пожарот е добиена во 12.03 часот по што екипи на Бригадата за противпожарна заштита се упатила на лице место и пожарот бил локализиран.

Паралелно, на терен се и инспекторите на Град Скопје, а за случајот се информирани Министерството за внатрешни работи, Државниот инспекторат за животна средина, како и Јавното обвинителство.

Од Град Скопје апелираа до граѓаните за смиреност, внимателност и почитување на насоките на надлежните служби.