Skip to content
Полициски службеници од Полициското одделение Ропотово на 23 октомври во 14:20 часот го уапсиле М.Џ. (38) од Албанија, откако, според полицијата, бил затекнат како предизвикува пожар на сува трева на отворен простор.
Настанот се случил на местото викано „Коливади“, во атарот на селото Житоше, прилепско. Пожарот го изгаснала екипа на Територијалната противпожарна единица Прилеп.
За настанот е известен јавен обвинител, а уапсениот е предаден во ОВР Прилеп.
По целосното документирање на случајот, против него ќе биде поднесена пријава за „Предизвикување општа опасност“, според член 288 од Кривичниот законик.
